Trý fólk blivu flutt á Landssjúkrahúsið

Í gjárskvøldið hendi eitt ferðsluóhapp á landsvegnum norðanfyri Kollafjørð, og trý fólk blivu flutt á Landssjúkrahúsið.

Portal.fo skrivar, at óhappið hendi tá ein bilur, sum koyrdi suður eftir yvirhálaði ein annan bil. Ein mótkoyrandi bilur bremsaði fyri at forða samanstoyti, men við tí úrsliti, at ein bilur aftanfyri rendi í reyvina á bilinum.

Landsvegurin á strekkinum var stongdur fyri ferðslu, og nógv útrykningsakfør komu á staðið. Trýkorter til tíggju var vegurin opin aftur.