Tíðindaskriv frá Sjúkrahúsverkinum: Eitt sameint sjúkrahúsverk á altjóða stigi

Í gjár var hátíðardámur á teimum trimum sjúkrahúsunum, tá sjúkrahúsleiðslan legði fram nýggja virðisgrundalagið og búmerkið hjá Sjúkrahúsverkinum.

Sjúkrahúsleiðslan hevur síðani hon tók við á heysti 2019 arbeitt fyri, at sameina tey trý føroysku sjúkrahúsini, Klaksvíkar sjúkrahús, Landssjúkrahúsið og Suðuroyar sjúkrahús. Arbeitt hevur verið bæði yvirskipað og við meira ítøkiligum málum. Yvirskriftin fyri arbeiðinum hevur verið, at vit eru eitt sjúkrahúsverk, við trimum sjúkrahúsum, sum arbeiða saman.

Hetta hevur verið ein góð og gevandi tilgongd, og í gjár fingu øll starvsfólkini innlit í nógvum av tí, sum arbeitt hevur verið við, tá visjón, missión og virðini hjá tí sameinda Sjúkrahúsverkinum vórðu avdúkað saman við einum nýggjum búmerki.

Les meira her:https://sv.ls.fo/t%C3%AD%C3%B0indi/2021/eitt-sameint-sj%C3%BAkrah%C3%BAsverk-%C3%A1-altj%C3%B3%C3%B0a-stigi/

Vegna Sjúkrahúsverkið

Vinarliga

Fróði