Strandferðslan keypt farmaskip

Mánadagin 16. desembur skrivaði Strandferðslan undir keypssáttmála av norsku ro/ro ferjuni M/F Hasfjord. Hasfjord er bygd í 1975 á Harstad Mek Verksted AS, og er 40,7 m long og 9,5 m breið.

Beint eftir undirskrivingina fór ferjan á Sandnessjøen, Slipen verksted, og fyrst í komandi ári verður ferð sett á umvælingararbeiðini, ið klassin krevur.

Ferjan skal brúkast sum farmaskip til tungan farm, og harvið verður ferðafólkaloyvið til 12 ferðandi.

Lýst verður seinni, nær Hasfjord fer í sigling, sigur SSL.fo