Silvitni fekk útvið 15.000 pund á 40 stampum

 Sjálvt um tað rekur hart, so fiska bátarnir, sum royna við línu væl, fleir bátar vestanfyri høvdu heilt góðan dag í gjár.

Báturin Silvitni av Oyrabakka (Myndin) fór í fyrrakvøldið norðurum við 40 stampum, sum meginparturin var engdur við høgguslokki, teir fingu útvið 15.000 pund, sum má roknast fyri rokfiskiskap - útvið 400 pund uppá stampin, stamparnir høvdu 270 húkar hvør.