Myndir: Arbeiða við at fáa bussin av vegnum

 Í løtuni verður arbeitt við at fáa bussin, sum kolaðist upp í Hunsarabotni seinnapartin í dag, av vegnum.

Sum sæst á myndunum so er bussurin kolaður upp, men tíbetur hendi eingin mansskaði, tí øll fólkini sluppu út í øllum góðum.

Oyggjarvegurin er læstur í løtuni og letur ikki upp aftur fyrrenn umleið kl. 19 í kvøld.

Annars sigur myndamaður okkara, at tað er sera hált á Oyggjarvegnum í kvøld, tí ræður hann øllum frá at koyra eftir Oyggjarvegnum.