Mælt verður frá at ferðast til Danmarkar

Leiðbeining um ferðing frá Uttanríkis- og Mentamálaráðnum:

Coronavirusið (Covid-19) ger, at vit mugu vera serliga varin í sambandi við ferðing.

Mælt verður frá at ferðast til Danmarkar, og ert tú komin úr Danmark 12. mars ella seinni, mæla heilsumyndugleikarnir til, at tú fert í sóttarhald í 14 dagar.

Harumframt verður mælt til at fylgja ferðaleiðbeiningunum hjá danska uttanríkisráðnum fyri restina av heiminum. Tær eru:

Vit mæla frá at ferðast til:

- Kina: Landsluturin Hubei

- Italia: Landslutirnir Piemonte, Lombardia, Emilia-Romagna, Aostadalurin, Veneto og Marche

- Iran

- Suðurkorea: Býurin Daegu og landsluturin Gyeongbuk

- Eysturríki: Landsluturin Tyrol

Hevur tú verið í einum av støðunum, sum eru nevnd omanfyri, eftir 2. mars, eigur tú at fara í sóttarhald í 14 dagar.

Vit mæla frá allari óneyðugari ferðing til:

- Kina (Hongkong, Macau og Teivan undantikið)

- Italia

- Eysturríki: Landsluturin Tyrol

- Ísrael

- Palestina: Vestari áarbakki og Eystur-Jerusalem

- Spania: Landslutirnir Madrid, La Rioja og Baskaland

- Týskland: Landslutirnir Bayern og Nordrhein-Westfalen

- Frakland: Landslutirnir Korsika og Alsace, og harumframt økini Oise og Val d'Oise norðan fyri París

- Sveis: Býirnir Samnaun og Zermatt

- Turkaland

- Tailand

- Egyptaland

- Vietnam

- India

- USA

- Malaisia

Ver serliga varin:

- Ferðing um allan heim

Ert tú stødd ella staddur uttanlands, mæla vit til, at tú skrivar teg á listan hjá danska uttanríkisráðnum. Tað kanst tú geraher.

Av tí at ferðavegleiðingarnar javnan broytast, er umráðandi at kunna seg á heimasíðuni hjáUdenrigsministeriet.