Lars Løkke Rasmussen nýggjur nevndarlimur í Betri samtakinum

Í kvøld var ársaðalfundur í Ognarfelag Tryggingartakaranna. Ognarfelagið eigur Betri samtakið.

Á aðalfundinum stóðu tríggir nevndarlimir fyri vali. Aslaug Gisladóttir og Ragnar Joensen halda fram í nevndini, meðan Lars Løkke Rasmussen varð valdur inn fyri Karl Birgir Isaksen, sum ikki stillaði upp aftur. Aslaug Gisladóttir heldur fram sum nevndarforkvinna.

Sostatt skipaði nevndin seg soleiðis:

• Aslaug Gisladóttir, forkvinna
• Gunn Danielsen, næstforkvinna
• Ragnar Joensen
• Petur Elias Nielsen
• Mortan Simonsen
• Lars Løkke Rasmussen

Nevndin í Ognarfelag Tryggingartakaranna situr eisini í nevndini í Betri P/F, sum harumframt hevur trý starvsfólkavald umboð. Tvey nýggj starvsfólkavald umboð - Sonni L. Petersen og Tummas Pauli Djurholm - tóku sæti í nevndini. Tey starvsfólkavaldu umboðini í Betri P/F nevndini eru sostatt:

• Sverri Justinussen (starvsfólkavaldur)
• Sonni L. Petersen (starvsfólkavaldur)
• Tummas Pauli Djurholm (starvsfólkavaldur)

Nevndin fegnaðist um, at samtakið enn einaferð hevði eitt gott ár í 2019 og sostatt hevur eitt sterkt grundarlag at standa ímóti teimum avbjóðingum, sum samtakið og samfelagið sum heild kunnu vænta í kjalarvørrinum av koronafarsóttini.

Ársúrslitið fyri 2019 gjørdist 259,6 mió. kr., ið leggjast afturat eginpeninginum, sum harvið kemur upp á 3.318 mió. kr.
Aftur í ár bleiv avgjørt á aðalfundinum at seta 5 mió. kr. av til Betri Stuðulsgrunnin. Hetta kemur aftrat tí, at samtakið fyri stuttum lat 10 mió. kr. til føroyska sjúkrahúsverkið.

Árið hjá Ognarfelag Tryggingartakaranna í stuttum:

• Ársúrslitið: 259,6 mió. kr.
• Eginognin: 3.318 mió. kr.
• Fíggjarstøðan hjá samtakinum javnvigar við 12.853 mió. kr.
• Solvensurin við árslok: 39,9%