Koppsettu í Vágum og Norðstreymoy í gjár

Í gjár vóru tvey koppsetingarlið hjá Sjúkrahúsverkinum í Vágum og í Norðstreymoy. Tað vórðu í alt 169 fólk koppsett. Størsti parturin vóru búfólk á røktarheimum og sambýlum.

Í løtuni hava 3073 fólk fingið fyrra prik. Ein persónur í Føroyum hevur fingið bæði fyrra og seinna prik.

Umleið 5,8 prosent av øllum føroyingum hava nú fingið fyrstu koppsetingina.