Kommunustjóri til Vága kommunu

Starvið sum kommunustjóri í Vága kommunu er leyst at søkja.

Vága kommuna leitar eftir einum kommunustjóra, sum er virkin og framsøkin í arbeiðinum at menna kommununa. Kommunustjórin skal stuðla býráðnum og borgarstjóranum í at seta dagsskránna og megna at halda visjón og møguleikar í miðdeplinum í samstarvi við borgarar og vinnulív í kommununi. Borgarstjórin og kommunustjórin mynda kommuna úteftir saman.

Vága kommuna er ein meðalstór, virkin kommuna við lítlari umsiting. Kommunustjórin skal tí vera fakliga sterk/ur, hava yvirlit og megna at skapa úrslit, avrika og skera ígjøgnum, tá tørvur er á tí; men skal samstundis vera rúmlig/ur, álitisvekjandi og duga at samstarva breitt við virðing fyri ymiskum politiskum og fakligum sjónarmiðum.

Starvið

Kommunustjórin varðar, sum næsti samstarvsfelagi og ráðgevi hjá borgarstjóranum, av fakligu, fyrisitingarligu og fíggjarligu stýringini av Vága kommunu

Kommunustjórin skal megna at skapa sær eina góða javnvág ímillum tænandi, leiðandi og fyrisitandi uppgávurnar í starvinum, sum krevja, at kommunustjórin er fyrikomandi og fleksibul, hevur góð samstarvsevni og yvirskot til at taka eina hond í, har tørvur er á tí. Kommunustjórin skal tola tillagingar og broytingar í starvinum.

Politiskt tev og virðing fyri demokratisku spælireglunum í eini politiskt stýrdari fyrisiting eru krav, eins og kommunustýrið væntar, at kommunustjórin:

• avklárar leiðslurúmið og leiklut sín sum ráðgevi og sparringspartnari fyri borgarstjóran og kommunustýrið og soleiðis fær í lag eitt gott og óformligt samstarv við virðing fyri leiklutum og ábyrgdarbýti

• tryggjar at borgarar, vinnulív o.o. síggja kommuna sum atkomuliga, og sum persónur stuðlar undir myndina av, at kommunan er opin og útvend

Førleikakrøv

Umsøkjarar til starvið verða mettir eftir fakligum, leiðsluligum og persónligum førleikum.

Kommunustýrið krevur, at kommunustjórin hevur viðkomandi hægri ella miðallanga útbúgving, ella samanlagt samsvarandi útbúgvingarstøði og royndir. Harumframt skal kommunustjórin hava kunnleika til og royndir við fyrisiting, leiðslu og fíggjarstýring, og góð evni at samskifta og málbera seg.

Løn

Starvið er fulla tíð og verður sett sum tænastumannalíknandi eftir lønartalvuni hjá tænastumannafelagnum í 36. lønarflokki, tó uttan at vera tænastumannastarv umframt 15% í eftirløn. Talan kann verða um viðbøtur, um serligar umstøður og orsøkir eru til tað.

Fleiri og greiniligari upplýsingar um starvið eru at finna í starvsprofilinum á heimasíðuni hjá Vága kommunu:www.vaga.fo.

Samband og umsóknTey, sum ynskja at frætta nærri um starvið, eru eisini vælkomin at venda sær til Eyðdis Hartmann Niclasen, borgarstjóra á tlf. 794410 ella umvegis teldupostadressu[email protected].

Umsóknir við prógvum, cv, viðmælum, revsiváttan v.m. skulu vera kommununi í hendi í seinasta lagi 18. mai 2020 kl. 12.00 og skulu sendast til

Vága kommuna

Hammersheimbsvegur 1

360 Sandavágur

ella á teldupost[email protected],

Merk umsóknina: Kommunustjóri.

Nærri upplýsingar um starvið kunnu lesasther