Hans stillar upp fyri Fólkaflokkin

Hans Joensen hevur bjóðað seg fram sum valevni hjá Fólkaflokkinum til Løgtingsvalið.

Hans Joensen er handilsmaður í Havn. Í samfull 53 ár hevur hann arbeitt í privatu vinnuni. Hóast Hans Joensen ikki hevur stillað upp fyrr, hevur hann verið aktivur partur av Fólkaflokkinum og Havnar Framburðsfelag síðan hann var 16 ára gamal.

- Nú er tíðin komin, og tí havi eg valt at stilla upp til løgtingsvalið fyri Fólkaflokkin, sigur Hans Joensen.