Handtikin við hálvari millión

KVF: Løgreglan er sannførd um, at talan er um hvíttaðar pengar, sum skuldu brúkast til at keypa rúsevni í Danmark til at selja víðari á føroyska marknaðinum.

Eftir grundlógaravhoyring fríggjadagin bleiv maðurin varðhaldsfongslaður í fýra vikur.

Kom til Føroya í síðstu viku

Maðurin, sum er danskur ríkisborgari, kemur til Føroya við Norrønu í síðstu viku. Hann varð kannaður í tollinum, men hevði einki uppi á sær.

Løgreglan hevði tó framvegis illgruna til hansara og hevði eyguni eftir honum næstu dagarnar í Føroyum.

Tá maðurin var áveg av landinum aftur hósdagin, avgjørdi løgreglan at handtaka hann.

Lurta eftir KVF her.