Finnur Fríði skal landa svartkjaft í Íslandi

 Finnur Fríði, sum teir seinastu dagarnar hevur fiskað í føroyskum sjógvi, setti í morgun kós móti Íslandi, har teir skulu landa veiðuna (2.200 tons) á Fáskrúðsfirði.

Finnur Fríði royndi fyrst á túrinum í ES-sjógvi vestur úr Írlandi, men teir seinastu dagarnar hava teir roynt sunnast í føroyskum sjógvi, har hava eisini verið 6 russisk skip.

Finnur Fríði verður á Fáskrúðsfirð fyrrapartin í morgin, eingin íslendingur sleppir umborð, manningin á Finni Fríða skal sjálv landa veiðuna.

Tá ið liðugt er at landa, tá fara teir aftur í føroyskan sjógv at royna.