2020-12-05 14:57 
Ein nýggjur smittutilburðir varð staðfestur í gjár. Tað vísa nýggjastu tølini hjá Landslæknanum.
Tann smittaði kom herfyri til Føroya úr útlondum. Smittan varð staðfest við kanningini á sætta degi. Viðkomandi er avbyrgdur, og Landslæknin er í gongd við smittusporingina.
Í gjár vórðu 784 kanningar gjørdar, og allar kanningarnar eru liðugt greinaðar. Í alt eru 170.817 kanningar gjørdar.
Tilsamans hava nú 506 persónar fingið staðfest smittuna í Føroyum. Í alt eru 500 persónar staðfestir frískir aftur, og sostatt eru seks persónar smittaðir í løtuni.
Eingin er í løtuni innlagdur á Sjúkrahúsverki Føroya í sambandi við coronasmittuna.
Vinarliga broyt tínar kennifíla - og privatlívsstillingar fyri at síggja hetta innihald