Bogi Andreasen nýggjur formaður í Fjarhitafelagnum

Fyrradagin, 22. mai, var aðalfundur hjá Fjarhitafelagnum, og var Bogi Andreasen valdur sum nýggjur formaður.

Tað eru SEV og Tórshavnar Kommuna, sum eiga Fjarhitafelagið, og báðir partar hava tríggjar limir í nevndini. Nevndin situr fýra ár í senn, men eftir tveimum árum skiftur formansessurin.

Suni Jcobsen hevur verið formaður seinastu tvey árini, og í gjár var tað so Tórshavnar Kommuna, sum átti tørn. Valið fall á Boga Andreasen. Suni Jacobsen er nú næstformaður, og nevndarlimir eru Hákun Djurhuus, Jónsvein Hovgaard, Tróndur Sigurðsson og Jákup Dam. Varalimir eru Turið Horn og Heri Mortensen.

Sera nógv virksemi er í Fjarhitafelagnum, og tað eru alsamt fleiri, sum leggjast afturat netinum. Nógvar stórar verkætlanir eru í gongd, og byrjað verður upp á fleiri í næstum.