Boð eftir bjargingartyrluni í gjárskvøldið

Klokkan 23:00 í gjárskvøldið fekk MRCC støðin í Havn eina fráboðan um, at ein persónur á Suðuroynni hevði brúk fyri at sleppa á Landssjúkrahúsið.

Boð blivu send eftir tyrluni hjá Atlantic Airways, sum setti seg í Froðba klokkan 23:39 har hon fekk persónin umborð, og fór síðani norð á Landssjúkrahúsið við persóninum. Klokkan 00:07 í nátt var persónurin komin á Landssjúkrahúsið.