Politikkur

Viðmerking frá løgmanni til áleikandi støðuna í Ukreina

Støðan í økinum broytist støðugt.  Landsstýrið fylgir tí nevyt við gongdini, og metir so hvørt um støðuna.

2022-02-23 18:39 Author image
Jóanis Albert Nielsen
placeholder

"Støðan í Eysturukreina og á markinum millum Ukreina og Russland er sera álvarsom.  Enn vónar landsstýrið, at diplomatisku royndirnar at finna eina loysn fara at eydnast, so tað slepst undan einum vanlukkuligum stríði í Evropa.

Tað hevur týdning, at sjálvsavgerðarrætturin hjá Ukreina verður virdur. Altjóða lóg er við til at borga fyri rættvísi, tryggleika og stabiliteti í heimssamfelagnum. Ikki minst fyri smátjóðir sum Føroyar, er tað umráðandi, at altjóða lóg verður vird og hildin. Tí tekur landsstýrið frástøðu frá russisku framferðini í Eysturukreina og fordømir framdu brotini á altjóða lóg.” 

Støðan í økinum broytist støðugt.  Landsstýrið fylgir tí nevyt við gongdini, og metir so hvørt um støðuna.

Vinarliga broyt tínar kennifíla - og privatlívsstillingar fyri at síggja hetta innihald

placeholder