Væl mannað og sjónligt politi til staðar til landsdystin fríggjadagin

Politiið er væl fyrireikað og væl mannað til ymisku støðurnar, sum kunnu koma fyri - bæði undan dystinum, undir dystinum og eftir dystin.

Føroya Politi verður til staðar á ymiskan hátt og verður sjónligari enn vanligt í býarmyndini. Endamálið er at tryggja, at føroyska samfelagið kennist trygt, hóast at ein slíkur dystur verður spældur í Føroyum.

Av taktiskum orsøkum ber ikki til at greiða nærri frá, júst hvussu trygdin verður skipað til dystin, og tískil kann heldur ikki væntast, at Føroya Politi svarar fleiri spurningum hesum viðvíkjandi.

Á dystardegnum tann 5. september fer Føroya Politi at koma við regluligari kunning á Facebook síðuni hjá Føroya Politi.