Tyrlan tvær ferðir eftir fólki í fjøllunum í gjár

Klokkan 15:25 fekk MRCC støðin eina fráboðan um, at ein maður hevði fingið pínu fyri bringuni. Maðurin var staddur á fjalli norðuri í dølum í Vestmanna. Bjargingartyrlan flutti mannin á Landssjúkrahúsið. Uppgávan tók 37 minuttir.

Longu klokkan 16:37 fekk MRCC støðin aftur eina fráboðan, ein útlendingur var dottin í fjøllunum omanfyri Kambsdal. Bjargingartyrlan flutti persónin á Landdsjúkrahúsið. Uppgávan tók 51 minuttir.