Tangabilførari til Effo

Starvið

Arbeiðið er at veita orku til kundar okkara á sjógvi og landi við tænastu á hægsta stigi.

Arbeiðið umfatar:

Í  høvuðsheitum veiting av oljuúrdráttum til húsarhald, virkir og skip í Vágum og meginøkinum.

Harumframt annað arbeiðið í sambandi við oljuúrdráttir.

Tín vangamynd

Tú arbeiðir sjálvstøðugt, og vilt veita kundunum eina góða tænastu. Tú sært týdningin í okkara trygdarskipanum, og fylgir mannagongdunum. Tú ert fleksibul og klár/-ur at taka móti avbjóðingum, eisini tá broytingar koma fyri.

Tað er ein treyt, at tú hevur stóra koyrikortið, og tú hevur royndir at koyra stórar bilar.

Sum persónur ert tú:

• Sjálvstøðug/ur
• Tænastusinnað/ur
• Ágrýtin

Vit bjóða

Tú fært eitt støðugt arbeiði í einum góðum og skipaðum umhvørvi. Tú verður partur av verandi arbeiðstoymi hjá Effo á Viðarnesi. Vit bjóða mánaðarløn samb. galdandi sáttmála, harundir eisini eftirløn. Tú fært alla neyðuga upplæring.

Umsókn

Skrivlig umsókn við upplýsingum um royndir skal vera okkum í hendi innan 15. des. 2024.

Starvið verður sett 1. jan. 2025 ella skjótast til ber.

Nærri fæst at vita um starvið við at venda sær til Eyðfinn Sigurstein goymsluleiðara tlf 21466 ella Magna Dybczak rakstrarleiðara tlf. 216822

Allar umsóknir verða viðgjørdar í trúnaði.

Send okkum umsóknina við viðkomandi upplýsingum á [email protected]

Um Effo

Effo er eitt føroyskt orkufelag hvørs endamál er at veita orku til føroyska samfelagið - ómakaleyst. Vit hava 200 dugnalig og álítandi starvsfólk, ið veita ymsar vørur og tænastur til kundar kring allar oyggjarnar.

Høvuðsskrivstovan er á Óðinshædd í Tórshavn og virksemið er kring allar oyggjarnar. Effo eigur helmingin av felagnum Vindrøkt, sum rekur 9 vindmyllur, og veitir grøna orku til øll húsarhald í Føroyum.

Harumframt eru 10 Effo støðir kring landið harav Effo rekur 7, sum allar selja gerandisvørur, skundverðir og brennievni.