2024-07-19 18:05 
Jóanis Albert Nielsen
Jóanis Albert Nielsen
Vøllurin hevur altíð verið nógv nýttur, men nú nýtt undirlag er komið á, verður tað nakað heilt annað at nýta hann.
Fólk frá Idé Møblum og Domo byrjaði at leggja undirlagið á í gjár og kl. 23 í gjárkvøldið var alt álagt og límað.
Í morgun kl. 5 varð byrjað at leggja sand og kork í vøllin. Tað eydnaðist áðrenn regnið byrjaði.
Birgir Andreasen, stjóri í Idé Møblum, lat sera væl at forarbeiðinum hjá Teknisku deild og Sp/f Bárður Hentze. Undirlendið var bæði slætt og gott, tá vøllurin skuldi leggjast á.
Nú sæst at kork er komið í vøllin, tí tað liggur á yvirflatuni. Tá vøllurin verður meira og meira nýttur, so fellur korkið longur inn í vøllin og fer ikki at síggjast eins væl.
Nakrar ábøtur afturat, verða gjørdar komandi tíðina, men tað ber saktans til at nýta vøllin longu nú.
Tvøroyrar kommuna takkar øllum, ið hava verið við til at fáa nýggja vøllin álagdan og ynskir øllum hjartaliga vælkomin at nýta snotiliga sparkivøllin í Trongisvági.
Vinarliga broyt tínar kennifíla - og privatlívsstillingar fyri at síggja hetta innihald