Skjótálopini skulu rigga væl

Simon legði dent á, at føroysku spælarnir skulu vera raskar í økinum millum bæði feltini, sum hevur við sær, at álopini hjá Føroyum skulu avgreiðast ordiligt, og vera raskur at renna aftur. Simon legði afturat, at skjótálopini hjá Føroyum skulu rigga væl í dystinum í dag.

Í verjustøðu skal føroyska liðið passa serliga uppá strikuspælarin, Tabea Schmid, og veingirnar hjá Sveis.

Avgerandi fyri henda dystin er, at tað verður skora uppá teir málmøguleikarnar ið Føroyar fáa, og gera so fáar tekniskar feilir, sum møguligt. Størsta styrkin hjá Føroyum er duelspæl ein ímóti einari.

Tær ið byrjar inni í dag eru:

Málverji: Annika Fríðheim Petersen

Vinstri vongur: Turið Arge Samuelsen

Vinstri bakkur: Súna Krossteig Hansen

Miðja: Jana Mittún

Høgri bakkur: Elsa Egholm

Høgri vongur: Lív Sveinbjørnsdóttir Poulsen

Stika: Pernille Brandenburg

Í verju skifta Súna ella Jana við Brynju Høj.

Tær ið ikki eru við í hópinum í dag eru Bjørk Franksdóttir Joensen og Lív Bentsdóttir Zachariasen.

Dysturin ímóti Sveis byrjar klokkan 17 føroyska tíð.

Sí eisini:

Súna: Vit eru klárar

Myndir: Venjing undan Sveis dystinum

Andrass: Fyrsta av vónandi fleiri endaspølum

Myndir: Tíðindafundur hjá føroyska hópinum

Myndir: Føroyski hópurin komin til Basel