Sjósavn og mentanarhúsinum í Vágum

Kári Thorsteinsson skrivar á Facebook.

Gongd er komin á byggingina av Sjósavn og mentanarhúsinum í Vágum við staðsetingini á uppfyllingini við bátahylin í Sørvági.
Byggifelagið J.K. Petersen hevur byggingina undir hond og eftir tíðarætlanini og tá endaligt byggiloyvi er komið uppá pláss, væntast bygningurin at standa liðugur um gott eitt ár.

Ætlanin er, at ein kunningarfundur verður hildin, so fólk fáa eina nágreinliga kunning um verkætlanina.
Øll eru hjartaliga vælkomin at vera við í hesi spennandi ætlan.

Mentanar- og sjósavnið í Vágum er eitt áhugafelag, ið er stovnað við tí endamálið at virka fyri at M/S Marna kann gerast ein livandi og verdugur karmur um okkara sjósøgu og mentanarligum fyritakssemi til gaman og álvara hjá ungur og gomlum.