Jóanis Albert Nielsen
Søgan handan navnið
Navnið “Lomvigin” vísir til upprunaliga aðalmálið hjá Fuglakanningarstøðini á Havstovuni. Tá Fuglakanningarstøðin varð sett á stovn í 1972 var tað nevniliga við tí endamáli, at fylgja gongdini í lomvigastovninum, sum mann visti hevði verið í stórari afturgongd síðan 1950’ini.
Eftirsum báturin skal taka við í hesum týdningarmikla arbeiði, mettu vit tað vera hóskandi, at kalla bátin upp eftir svartfuglinum, sum er miðdepilin í kanningunum. Samstundis minnir báturin ikki sørt um ein lomviga í útsjónd.
Staðbundið navn
Í Føroyum er navnið lomvigi staðbundið. Summi siga “lomviga” og onnur “lomvigi”. Av tí, at høvuðskanningarstøðin er staðsett á Høvdanum í Skúvoy, varð lokala frábrigdið, “Lomvigin”, valt.
Aðrar kanningar og samstørv
Umframt fuglateljingar kemur Lomvigin at vera liður í alskyns verkætlanum og uppgávum, serstakliga við tí í hyggju, at gera fleiri kanningar inni á firðum og nær landi, har tað ikki er eins atkomiligt við skipi.
Harnæst kemur Lomvigin at vera nýttur í einum samstarvi millum Havstovuna og Tjóðsavnið, har Lomvigin fer at sigla granskarar og útgerð hjá Tjóðsavninum til Kolturs í sambandi við Koltursverkætlanina og aðrar verkætlanir í oynni.
Havstovan
Vinarliga broyt tínar kennifíla - og privatlívsstillingar fyri at síggja hetta innihald