Nú rivur koma í manipulatiónina

ST hevur nú brádliga skorið talið av deyðum í Gaza í eina helvt. Higartil hevur terrorfelagsskapurin Hamas verið sannleiksvitnið í heimsins miðlum - og hjá ST.

Israel er kollektivt útskammað, hóast tað er alvitan, at Hamas tilvitað og kyniskt hevur brúkt og framvegis brúkar sivil, børn, kvinnur og menn sum skjøldur í krígnum.

Fyri terrorfelagskapin Hamas hava sivil ongan týdning - uttan at brúka í teirra kynisku propaganda.

Í teirri løtu Hamas gevst er friður í Gaza, men við stuðli úr Iran, orkestrerað av russum og við stuðli frá milliónum í Vesturheiminum, við Gretu Thunberg typunum á odda, so gevst Hamas ikki.

Hóast tað øvugta verður pástaðið, so er undirtøkan millum palæstinensar, bæði á Vestara Áarbakka og Gaza minni nú enn nakrantíð.

Minni enn fjórði hvør palæstinensi í báðum økjunum stuðla nú Hamas, men tað hoyra vit heldur einki um.