Meistararnir snávaðu

Sum so ofta fyrr hevur A-liðið trupulleikar við B-liðnum í innanhýsis dystunum í 1. deild. Dysturin endaði javnur 2-2. Fleiri av felagsins fremstu telvarum vóru ikki við sunnudagin. Hvørki Helgi Dam Ziska, Martin Poulsen, Carl Eli Samuelsen, Sjúrður Thorsteinsson ella Olaf Berg sóust við talvborðini á Finsen.

Miðalaldurin á B-liðnum var lægri enn vant. Nýggjur er Flóvin Matras Tummasarson, sum er fluttur úr Klaksvíkar Talvfelag í Havnar Telvingarfelag. Honum eydnaðist at vinna á Hjalta Jógvanssyni, sama gjørdi Petur Magnussen móti Eliasi Petersen. 

Í innanhýsis dystinum millum liðini hjá Klaksvíkar Talvfelag vann A-liðið 3-1. Ólavur Simonsen og Haldur Suni Johansen vóru ikki við. Ei heldur Eyðun Nolsøe, sum nú er skrásettur í Suðuroyar Talvfelag.

Dysturin millum liðini í Sandavágs Talvfelag er útsettur til mikukvøldið. Helvtin av A-liðnum mundi vera upptikin av fótbólti.

Luitjen A. Apol (2318) - Heiðrikur Jacobsen (1948) 1 - 0

Elias Petersen (2100) - Petur G. Magnussen (1921) 0 - 1

Hjalti T. Jógvansson (2030) - Flóvin M. Tummasarson (1903) 0 - 1

Herluf Hansen (1974) - Margar Berg (1896) 1 - 0

Rani Baldursson (2061) - Finnbjørn Vang (1963) 1 - 0

Heðin Gregersen (1976) - Wille Olsen (1958) 1 - 0

Steintór Rasmussen (1983) - Tummas M. Sólsker (1930) 1 - 0

Terji Petersen (1970) - Rani Nolsøe (1903) 0 - 1

Sandavágur (A) - Sandavágur (B) - útsettur til mikukvøldið.

Niðanfyri seta vit upp úrslitini í fyrsta umfari í hinum deildunum. Nevnast skal, at dysturin millum Rók og Gøtu í 4. deild bólkur A er útsettur til hóskvøldið.

Kollafjørður - Rókur 3½ - ½

Toftir - Klaksvík 2 - 2

Havnin (B) - Havnin (A) 3 - 1

Vestmanna - Gøta 3½ - ½

Klaksvík - Sandavágur 1½ - 2½

Kollafjørður - Kongshavn 3½ - ½

Toftir - Sandavágur 1½ - 2½

Havnin - Strendur 3 - 1

Kollafjørður - Suðuroy 0 - 4

Havnin - Sandavágur 1 - 3

Kongshavn - Rókur 1 - 3