Løgreglan fingið umleið 50 fráboðarnir um stormskaðar

Síðani klokkan trý í nátt hevur løgreglan fingið umleið 50 fráboðarnir um stormskaðar. 

Av teimum eru 22 úr Klaksvík, annars hevur løgreglan fingið fráboðarnir úr øllum landinum. Talan er um takplátir, klædningar, lyktapelar o.a.

Vakthavandi á løgreglustøðini upplýsti, at vindmátarin á Gjáarskarði vísti 70 m/s fyrr í morgun, og helt ikki at tað var ráðiligt at fara út at koyra, men legði afturat at fólk mugu fylgja við inni á Landsverki.