Landsstýrismaðurin umborð á amerikanska flogberanum USS Harry S. Truman

Vitjanin umborð á Harry S. Truman er ein liður í at áhaldandi styrkja samskiftið við USA um trygd og verju, so hvørt sum óvissurnar á heimspolitiska pallinum økjast. Beinleiðis samskifti við USA og okkara sameindu er avgerandi fyri, at vit áhaldandi eru við til at mynda trygdar- og verjupolitiskt virksemi um okkara leiðir, og at føroysk sjónarmið verða tikin við, tá støða skal takast til felags avbjóðingar, sigur landsstýrismaðurin.

Eftir ætlan skuldi amerikanski flotamálaráðharrin, Carlos del Toro, vitja í Føroyum í summar, men varð vitjanin avlýst vegna veður. Skipað varð ístaðin fyri einum talgildum fundi, har ráðharrarnir umrøddu trygdarstøðuna í norðurhøvum.

Landsstýrismaðurin og Capt. Dave Snowden, Commanding Officer (t.v.)