Politikkur

Landsstýrismaðurin hitt danska verjumálaráðharran

Høgni Hoydal, landsstýrismaður, hitti í dag Troels Lund Poulsen, virkandi verjumálaráðharra.

2023-03-09 15:44 Author image
Jóanis Nielsen
placeholder

 

Høgni Hoydal, landsstýrismaður, hitti í dag Troels Lund Poulsen, virkandi verjumálaráðharra. Á skrá fyri fundin vóru millum annað komandi verjusemjan hjá donsku stjórnini og ætlanirnar at seta upp lofteftirlitsradara á Sornfelli.

Føroyar skulu hava egnan og virknan leiklut í samstarvinum millum sameind á trygdar- og verjupolitiska økinum, og hetta hevur valla havt størri týdning enn nú heimspolitiska støðan er fyri stórum broytingum.

"Føroyskir myndugleikar - Løgting og landsstýri - eiga at vera partur av øllum avgerðum, sum viðvíkja trygd og verju um okkara leiðir. Í tí sambandi er eisini neyðugt við samstarvið millum føroysku og donsku stjórnirnar, og fundurin í dag legði lunnar undir hesa tilgongd,” sigur Høgni Hoydal, landsstýrismaður.

Næsti fundur millum Høgna Hoydal og Troels Lund Poulsen verður eftir ætlan í Føroyum í apríl.

Vinarliga broyt tínar kennifíla - og privatlívsstillingar fyri at síggja hetta innihald

placeholder