ÍSF: Sjálvbodna fjøldin - tær ósjónligu hetjurnar í føroyskum ítrótti.

Sjálvboðin eru lívæðrin í føroyskum ítrótti, tí ítróttafelagsskapurin er grundaður á eldsálir og sjálvboðin í øllum liðum av arbeiðinum. Hetta er virðismikið á so mangan hátt, og tí skal sjálvbodna fjøldin viðurkennast og fjálgast um.

Í døgunum 23.-29. oktober vitjar ÍSF kring landið við spennandi framløgum fyri nevndarlimir, venjarar, íðkarar, foreldur og onnur áhugað.

Høvuðsgestarøðari er Jesper Frigast Larsen við fyrilesturinum: Frivillighed under pres. Umframt at hoyra frá Jesper verður sofaprát har spurt verður inn til Sjálvbodna arbeiðið í lokaløkinum.

Vit bjóða lokalari eldsál til sofaprát um at vera sjálvboðin í ítrótti. Vit spyrja; Hvør er drívmegin? Hvønn týdning hevur sjálvbodna arbeiðið fyri ítróttafelagsskapin og fyri tey persónliga? Síðan verður sofaprátið víðkað við umboði fyri ÍSF og Jesper Frigast Larsen.

Eldsálirnar eru:

Svangaskarð 23. oktober: Hanna Olsen, Víkingur.

Trongisvágur, 24. oktober: Otto Gram, TB Flogbóltur.

Sandavágur, 27. oktober: Christina Ravnsfjall , 07 Vestur.

Klaksvík, 28. oktober: Sonja Kjølbro, KRF.

Tórshavn, 29. oktober: Jógvan K. Glerfoss, Bragdið & Súsanna Maria Hansen, B36.

Vit gleða okkum at síggja tykkum.