Valynski frá Føroya Arbeiðsgevarafelag og Handilsvinnufelagnum

Føroya Arbeiðsgevarafelag hevur sum valynski, at nývalda landsstýrið setir sær sum mál at gera føroyska arbeiðsmarknaðin so kappingarføran sum gjørligt. Og Handilsvinnufelagið hevur í fleiri ár ynskt eina dagførda pantskipan til endurnýtsluíløt, har tað er lætt og smidligt hjá brúkarum at lata íløtini innaftur, samstundis sum tað eisini er lætt og smidligt hjá handlunum at avgreiða íløtuni víðari til endurnýtslu og endurvinning.