2025-04-02 16:01 
Jóanis Albert Nielsen
Jóanis Albert Nielsen
Apotekið, sum liggur í Miðvági, er sætta apotekið í Apoteksverkinum, og fer tað at veita serliga vágafólki og ferðandi góðar apotekstænastur í Vágunum.
Landsapotekarin, Hjalti Gunnarstein, bjóðaði vælkomin til móttøkuna, síðani fingu Súsanna Bertholdsen, landsstýriskvinna í heilsumálum, Jóhannis Joensen, løgtingsmaður og Marius Dam, kommunulækni, høvi at siga nøkur orð, áðrenn landsstýriskvinnan klipti snórin, og apotekið harvið alment lat upp.
Hugaligt at síggja nógv fólk til móttøkuna í dag. Tað vísir týðiliga, at stór undirtøka er fyri einum apoteki í Vágum. Tað er eitt stórt framstig, at borgarar í Vágoynni fáa munandi betri atgongd til heilivág og apotekstænastur. Hetta er við til at styrkja heilsutænastunar í nærumhvørvinum og lætta gerandisdagin hjá fólki - Súsanna Bertholdsen, landsstýriskvinna í heilsumálum
Vinarliga broyt tínar kennifíla - og privatlívsstillingar fyri at síggja hetta innihald