Útflutningurin í apríl er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið.

Tað er meiri útflutt í flestøllum vørubólkum.

Laksaútflutningurin vaks hálvaaðru milliard krónur ella 45%, hóast nøgdin einans vaks 29%.

Útflutningurin av makreli er vaksin 65%.

Útflutningurin til Russlands er komin niður á 31 milliónir krónur í apríl 2022. 21 mió. kr. stava frá sølu av brennievni til russisk skip.