Tvey føst størv á Vága Floghavn

Arbeiðsøkið er innan reingerð og annað í hesum sambandi. Starvsfólk kunnu eisini fáa álagdar aðrar uppgávur.

Reingerðararbeiði:

Starvsfólkið kemur at verða partur av toyminum, sum hevur vasking/reingerð um hendi í bygningunum á flogvøllinum. Arbeitt verður eftir eini vaskiskipan.

Arbeiðstíðir:

Arbeitt verður eftir eini vaktarskipan. Arbeiðstíðir eru allar dagar í viku og dagurin er í stóran mun tillagaður eftir flúgvingini.

Vanliga arbeiðstíðin er uml. 8 tímar um dagin, mánadag til fríggjadag, og liggur ímillum kl. 8:00 og 16:00 við møguleika fyri flextíð. Tó kann onkuntíð gerast neyðugt at arbeiða uttanfyri hesar tíðir, um flúgvingin ger tað neyðugt.

Arbeitt verður vanliga ikki í vikuskiftinum, uttan at serligar umstøður gera tað neyðugt. Verður onkuntíð arbeitt í vikuskiftum, fella frídagarnir vanligar gerandisdagar.

Setanartreytir:

Starvið verður sett við royndartíð á 3 mánaðir.  

Løn og setanartreytir sambært sáttmála við Føroya Arbeiðarafelag og Føroya Arbeiðsgevarafelag um mánaðarlønt starvsfólk.

Ein treyt fyri at arbeiða hjá Vága Floghavn er, at viðkomandi hevur reina revsiváttan.

Umsókn:

Umsóknir skulu vera Vága Floghavn í hendi í seinasta lagi mánadagin 20. juni 2022, kl. 12.00.

Umsókn, saman við viðmælum og við lýsing av møguligum royndum, skal sendast til:

Vága Floghavn

Flogvøllurin 6

380 Sørvágur

ella t-post: [email protected]

Arbeiðsgevarin tilskilar sær rætt til at velja frítt millum umsøkjararnar.

Fleiri upplýsingar kunnu fáast við at tosa við Rúna Emil Johansen, rakstrarleiðara, ella Jákup Egholm Hansen, flogvallarleiðara, á telefon 354400 ella við at senda ein teldupost til [email protected].