Tveir fingu koyriforboð - koyrdu 133 og 122 km/t

Løgreglan gjørdi ferðmátingar Eysturoynni og Vágum í gjár.

Millum Fjarða var ein tikin fyri at koyra 133 km/t, sum gevur førarinum eina treyta frádøming, og av tí at førarin hevði havt koyrikortið í minni enn tvey ár fekk førarin eisini koyriforboð.

Í Vágum fekk eisini ein ungur bilførari koyriforboð og treyta frádøming av koyrikortinum, viðkomandi var máldur til 122 km/t. Ein annar førari fekk eisini klipp í Vágum fyri at koyra 109 km/t.

Av løgreglustøðini verður eisini upplýst, at løgreglan var til staðar á trimum skúlum í gjár. Har bleiv eitt mál skrivað upp, tí barn brúkti ikki trygdarútgerð.