Summarfrítíðarstørv hjá Vága Floghavn

Arbeiðsøkið er innan reingerð og annað í hesum sambandi.

Arbeiðsuppgávur:

Starvsfólkið kemur at verða partur av toyminum, sum hevur vasking/reingerð um hendi í øllum bygningunum á flogvøllinum. Arbeitt verður eftir eini vaskiskipan.

Arbeiðstíðir:

Arbeitt verður eftir eini vaktarskipan. Mesta arbeiðstíðin er uml. 8 tímar um dagin, sum liggur ímillum kl. 8:00 og 20:00 við møguleika fyri flextíð.

Arbeiðstíðir eru fyri tað mesta vanligar arbeiðsdagar, men umleið triðju hvørja viku verður arbeitt í vikuskiftinum eisini. Tá arbeitt verður í vikuskiftinum, fella frídagar vanligar gerandisdagar.

Setanartreytir:

Løn og setanartreytir sambært sáttmála við Føroya Arbeiðarafelag og Føroya Arbeiðsgevarafelag um tímalønt starvsfólk, her undir reglurnar um yvirtíð í vikuskiftunum v.m.

Serligar treytir:

Ein treyt fyri at arbeiða hjá Vága Floghavn er, at viðkomandi hevur reina revsiváttan.

Umsóknarfreist:

Umsóknir skulu vera Vága Floghavn í hendi í seinasta lagi mánadagin 20. juni 2022, kl. 12.00.

Umsókn:

Umsókn, saman við viðmælum og við lýsing av møguligum royndum, skal sendast til:

Vága Floghavn

Flogvøllurin 6

380 Sørvágur

ella t-post: [email protected]

Arbeiðsgevarin tilskilar sær rætt til at velja frítt millum umsøkjararnar.

Fleiri upplýsingar kunnu fáast við at tosa við Rúna Emil Johansen, rakstrarleiðara ella Jákup Egholm Hansen, flogvallarleiðara, á telefon 354400 ella við at senda ein teldupost til [email protected].