Politikkur

Staðsetingin av heilsuskúlanum ein avbjóðing

Tað er tørvur á at útvega starvsfólk á eldraøkinum við neyðugu fakligu førleikunum. Ein stórur partur av røktarstarvsfólkunum í Suðuroynni eru útlærd sum heilsurøktari samanborið við restini av landinum, bæði í 2016 og í 2024. Hetta ber brá av, at staðsetingin av heilsuskúlanum er ein avbjóðing.

2025-10-15 10:10

Búskaparráðið

Í Suðuroyar bú- og heimatænastu eru færri heimahjálparar, enn í restini av landinum. Nærum 80% av røktarársverkunum í Suðuroyar bú- og heimatænastu eru antin útlærdir heilsuhjálparar ella heilsurøktarar, sí myndina niðanfyri.

Gongdin í samansetingini av røktarstarvsfólkunum í Suðuroynni samanborið við restina av landinum ber brá av, at staðsetingin av heilsuskúlanum í størsta mun er ein fyrimunur fyri útbúgvingarstøðið hjá røktarstarvsfólkinum í Suðuroynni, meðan gongdin vendir skeiva vegin fyri restina av landinum.

Neyðugt er at betra útbúgvingarmøguleikarnar at gerast heilsuhjálpari og heilsurøktari. Sum nú er tykist útbúgvingarstovnurin einans at nøkta tørvin í Suðuroy, men ikki í restina av landinum, har stórt trot er á útbúnum røktarstarvsbólkum.

Býtið millum starvsfólkasløgini innan røktarstarvsfólk (ársverk) í 2024

Les meira í frágreiðing "Kommunubúskapurin og eldraøkið heystið 2025"

Vinarliga broyt tínar kennifíla - og privatlívsstillingar fyri at síggja hetta innihald