Smáligur fiskiskapur eftir sild norðanfyri

Føroyski flotin, sum roynir eftir sild í altjóða sjógvi norðanfyri, hevur havt smáligan fiskiskap.

Fleiri av skipunum eru áveg heim og skulu landa á Tvøroyri ella í Fuglafirði.

Tummas T., Arctic Viking, Borgarin og Norðingur eru áveg at landa. - Tummas T. kemur á Tvøroyri kl. 4 í nátt við 350 tonsum av sild.

Asbjørn, Norðborg og Fagraberg eru saman við nøkrum russiskum skipum stødd á 68N og 3V og Gøtunes er ávegis norðureftir.

Sildakvotan er ikki øll fiskað enn, so tey royna til tann bitra endan.

Birita liggur í Havn og Ango á Vági.