Sildaskipini sigla heim úr altjóða sjógvi

Gøtunes, Tummas T, Tróndur í Gøtu og Fagraberg hava øll verið úti á jólum. Tey fýra skipini hava verið á sildaveiðu í altjóða sjógvi norðanfyri.

Keðiligt veður var á sildafeltinum, og valdu skipini tí at seta kósina heim. Í løtuni liggur vindurin millum 25 og 31 m/s hjá skipunum.

Gøtunes hevur fiskað 1200 tons av sild, Tummas T hevur 480 tons og Tróndur í Gøtu 520 tons. Tey landa til Varðan Pelagic á Tvøroyri.

Fagraberg hevur 500 tons av sild, og landar Fagraberg til Pelagos í Fuglafirði.