Vinna

Sethúsaprísirnir hækkaðu nógv í 2021

Í Eysturoy, Vágum og Suðuroy hækkaðu prísirnir millum 19,5 og 25%, meðan hækkingin var ávíkavist 12% og 9 % í høvuðstaðarøkinum og í Klaksvík.

2022-03-02 15:11 Author image
Jóanis Nielsen
placeholder

Betri Banki skrivar:

Sethúsaprísirnir hildu á at hækka síðsta ársfjórðing í fjør. Sostatt gjørdist 2021 enn eitt ár við hækkandi sethúsaprísum. Serliga vóru tað smærru økini, sum hækkaðu lutfalsliga mest í 2021.

Í Eysturoy, Vágum og Suðuroy hækkaðu prísirnir millum 19,5 og 25%, meðan hækkingin var ávíkavist 12% og 9 % í høvuðstaðarøkinum og í Klaksvík.

Miðalprísurin fyri eini sethús í høvuðstaðnum er nú komin upp á 3,7 mió., meðan miðalprísurin fyri Føroyar var 2,3 mió. í 2021. Í Eysturoynni vóru tað serliga einkultar sølur rundan um Eysturoyartunnilin sum ávirkaðu miðalprísin. Eini miðal hús kosta nú á leið 1,9 mió í Eysturoy, og er hetta ein hækking á 25% í mun til miðalprísin í 2020.
 

Bústaðarbyrðan

Meðan onnur privatbúskaparlig viðurskifti hjá húsarhaldum ikki eru broytt nevnivert, er bústaðarbyrjan framvegis vaksandi.

Bústaðarbyrðan í Tórshavn er í løtuni 34%. Í Eysturoynni er bústaðarbyrðan 19% og fyri Føroyar er talið 23%. Hetta svarar til ein miðal vøkstur á 3 prosentstig samanborið við 2020.

Bústaðarbyrðan lýsir hvussu stóran part av inntøkuni eftir skatt eitt par skal brúka, fyri at fíggja síni sethús.

Vinarliga broyt tínar kennifíla - og privatlívsstillingar fyri at síggja hetta innihald

placeholder