Samlaða tøkan av alilaksi var 89 tús. tons í fjør

Samlaða tøkan av alilaksi í Føroyum var í fjør 89 tús. tons í kruvdari vekt. Hetta svarar til uml. 108 tús. tons í rundari vekt.

Talan er sostatt um eina nakað minni tøku í mun til 2021, tá tøkan var uml. 95 tús. tons í kruvdari vekt.

Alivinnan ger áhaldandi íløgur í smoltstøðir á landi og ger onnur átøk fyri at stytta um tíðina, sum alilaksurin er í sjónum. Ein styttri tíð á sjónum hevur við sær, at árliga tøkan kann økjast.

Havbúnaðarfelagið skrásetur vikuligu tøkutølini frá føroysku laksaalifeløgunum og almannakunnger tey á heimasíðuni hjá Vinnuhúsinum. Tøkutølini kunnu finnast her.