Rekkjukoyring í Vágum í kvøld

Rekkjukoyring í Vágum tollaksmessukvøld verður aftur í ár, og byrjað verður klokkan 23 í kvøld.

Bilarnir savnast við FK-handilin í Miðvági, og síðani verður koyrt runt í oynni.

Seinastu árini hava um 200 bilar verið við í rekkjukoyringini, tó vóru um 150 bilar í fjør. Rekkjukoyringin var fyrsta sinni var í Vágum í 1998.

Fólk aðrastaðni frá koma vanliga eisini vestur at luttaka í koyringini.

---

Jóla pubquiz verður í bygdarhúsinum í Miðvági frá klokkan 19 til 22. Dyrnar lata upp klokkan 18.