2022-11-17 09:00 
Jóanis Albert Nielsen
Jóanis Albert Nielsen
Nú val er í hondum og nógv - bæði stuttlig og løgið - er farið fram á tí politiska pallinum í longri tíð, fer Tjóðpallurin ógvuliga apropos, at enda árið við einum nýskrivaðum, føroyskum politiskum skemtileiki.
Tá ið Per ein dagin missir sín samleika, byrjar tann stóra leitingin. Til hann endar út í Tinganesi og inni á løgmansskrivstovuni. Og har byrjar komedian. Hvat hendir við Stórtunlinum? Hvør skal hava ársins Moldvørpu? Hvat er verri, ein senil mamma ella korrupt embætisfólk? Og hvar setur mann eina arkitektoniska perlu?
Vælkomin til politiskan skemtileik á Tjóðpallinum - í harðari kapping við tann politiska ruðuleikan. Men, sum Charles de Gaulle segði, "Politikkur er ov álvarsamur til at verða latin upp í hendurnar á politikarum". Tí taka vit eisini sakina í egnar hendur við nýskrivaða politiska skemtileikinum Moldvørpuni. Tí er tað ikki júst tað, vit treingja til beint nú, meðan vit bíða eftir veruleikanum?
Moldvørpan
eftir Hans Tórgarð
Leikstjóri:
Guðjón Pedersen
Leikarar:
Erling Eysturoy, Kristina Sundar Hansen, Hans Tórgarð, Nicolaj Falck, Laura Joensen, Hjálmar Dam og Esther á Fjallinum
Pallsniðgevi: Hjálmar Dam
Ljós: Súni Joensen og Bogi Eyðunsson Hansen
Ljóð: Kristinn Akursmørk
Búnar: Anna Kristin Bæk
Smyrsl og hár: Julia Jacobsen
Vinarliga broyt tínar kennifíla - og privatlívsstillingar fyri at síggja hetta innihald