Norðborg landar í Ánunum í morgin

 Í morgin kl 06 skulu teir byrja at landa í Ánunum, teir hava fulla last av sild, tað mesta er sildafløk.

Teir fara helst avstað aftur so skjótt sum møguligt, teir hava nakað eftir at fiska av sildakvotuni.

Fiskiskapurin er góður í altjóða sjógvi norðanfyri, í kvøld er bara Gøtunes av føroyskum skipum á feltinum har, har eru eisini nøkur russisk skip.

Eini tvey føroysk skip leita eftir makreli á Sandoyarbankanum í kvøld.