Neyðrakett sædd á Vágseiði

Millum tey sum ringdu inn á løgreglustøðina vóru fólk frá bjargingarfelagnum har suðri, sum settu kós vestur á Vágseiði við tað sama. Neyðrakettin datt niður tætt við fóltbóltsvøllin.

Bæði bjargingartyrlan og Brimil blivu boðsend. Tyrlan leitaði vestanfyri Vágseiði eina góða løtu, men har var einki at síggja. Eingin bátur er saknaður, og tað er lítið sannlíkt, at nakrar útróðrarbátur var vestanfyri Suðuroynna í gjárskvøldið, tí har var nógv brim og keðiligt veður á leiðini.

Av løgreglustøðini verður upplýst, at helst er talan um, at fólk hava skotið neyðrakettina av landi.