Myndir: Vestmenningur komin á Vestmanna

Vestmenningur, sum hevur verið á svartkjaftaveiðu í føroyskum sjógvi, kom í gjár á Vestmanna, har teir hava lagt seg at bíða til teir eiga landingartørn hjá Havsbrún í Fuglafirði. Vestmenningur sleppir framat at landa týsdagin.

Í løtuni landar Birita til Havsbrún, og eftir hana sleppir Jupiter framat áðrenn Vestmenningur skal landa.

Vestmenningur hevur henda túrin fiskað 1900 tons av svartkjafti.

Hesar myndirnar tók Jan Erik Simonsen í gjár í Vestmannasundi.