2023-02-18 22:30 
Jóanis Albert Nielsen
Jóanis Albert Nielsen
Fyri fimtu ferð á rað verður Mjølnir partur av steypafinaluni hjá monnum, har teir skulu spæla ímoti SÍ, sum vann 3-2 á Fleyr í hinari hálvfinaluni. Men Mjølnir var heilt úti á eggini og vendi, áðrenn sigurin kom til høldar.
Hóast ÍF vann tey bæði fyrstu settini, so tóktist sum um, at dysturin var langt frá avgjørdur, tí Mjølnir átti at eiga meira í sær, enn liðið hevði víst í teimum báðum fyrstu settunum.
Og Mjølnir kom eisini afturíaftur og vann sannførandi triðja settið 25-19.
Í fjórða setti legði ÍF seg framum 16-15, men Mjølnir fór framumaftur 23-17, og so gjørdist settið ongantíð veruliga spennandi.
Í javnbrótaranum fall avgerðin skjótt. Mjølnir legði seg á odda 10-3, og tá vendist sjáldan aftur hjá tí sum er aftanfyri, tó at ÍF kom upp á 8-12. Síðastu servuna átti Jóhan Arni Elisson Wang, og hana megnaði ÍF ikki at gera nakað við, og so vann Mjølnir 15-9 og dystin 3-2.
Vinarliga broyt tínar kennifíla - og privatlívsstillingar fyri at síggja hetta innihald