Manning til "M/S Bakkafoss"

Nýggi brunn­báturin er bygdur á Sefine skipasmiðjuni í Turkalandi, og er ein liður í strategiini hjá felagnum at framleiða størri nøgdir av burðardygt aldum laksi. Bakkafossur er 109,2 metrar langur og 22,2 metrar breiður. Brunnbáturin hevur eina samlaða rúmd á 10.000m³, har teir fýra brunnarnir, til livandi laks, hava samlaða rúmd á 7.000m³. Harafturat eru tangar sum taka tilsamans 3.000m³ av feskvatni. Til ber at framleiða feskvatn umborð, og báturin hevur kapasitet til at framleiða 6.000m3/døgn. Bakkafossur er 8.272 BT og kann føra 1.000 tons av laksi. Framtøkumegin er 4.000 KW.

Tín vangamynd
Tú hevur kravdu førleikarnar, ert ábyrgdarfull/ur og hevur ein positivan hugburð til uppgávurnar. Tú hevur góð samstarvsevni og megnar bæði at arbeiða sjálvstøðugt og í toymi. Tað kann vera ein fyrimunur, um tú hevur nakað av kunnleika til aling.

Vit søkja eftir manning við hesum førleikum:

Yvirstýrimaður 

• Vinnubræv sum yvirstýrimaður STCW-reg. II/2
• GMDSS vinnubræv
• Heilsuprógv og trygdarskeið
• Bátaføraraskeið til skjóttgangandi bjargingarbát
• Skeið í eldsløkking & sløkkileiðslu

(søk starvið her)

1. meistari

• Vinnubræv sum 1. meistari STCW-reg. III/2
• Heilsuprógv og trygdarskeið
• Skeið í eldsløkking og sløkkileiðslu
• Bátaføraraskeið til skjóttgangandi bjargingarbát

(søk starvið her)

Fulltikin dekkari 

• Vinnubræv sum fulltikin dekkari STCW-reg. II/5
• Skeið í eldsløkking
• Heilsuprógv og trygdarskeið

(søk starvið her)

Motorkønur dekkari

• Hevur royndir við at passa og viðlíkahalda maskinarí
• Heilsuprógv og trygdarskeið 

(søk starvið her)

Ófulltikin dekkari 

• Heilsuprógv og trygdarskeið

(søk starvið her)

Skipskokkur

• Vinnubræv sum skipskokkur við handilsskipum
• Heilsuprógv og trygdarskeið

(søk starvið her)

Løn og setanartreytir

Arbeitt verður í tørnskipan 1:1 og útmynstringartíðarskeiðið verður 3 vikur. Løn og setanartreytir eru sambært felags sáttmálum millum Reiðarafelagið fyri Handilsskip og Reiðarafelagið fyri Handilsskip og Føroya Skipara- og Navigatørfelag / Maskinmeistarafelagið / Sjómannadeild FF's.

Meira at vita

Vilt tú hava meira at vita um starvið, ert tú vælkomin til at seta teg í samband við Sverra Kjærbæk, rakstrarleiðara, á tel 23 50 50, ella við t-brævi til [email protected].

Umsóknarfreist

Umsóknarfreistin er mánadagin 11. juli 2022. Allar umsóknir verða viðgjørdar í trúnaði.

Um Bakkafrost

Bakkafrost samtakið er størsta alifyritøka í Føroyum og næststørsta alifyritøka í Skotlandi. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (góðskingarvirkið) er á Glyvrum, og alivirksemi er í Norðoyggjum, Eysturoynni, Streymoynni, Suðuroynni og í Skotlandi. Felagið hevur lívfiskavirksemi í Streymoy, Sandoy og í Skotlandi og harumframt eitt biogassvirki á Streymoynni. Høvuðsskrivstova felagsins er á Glyvrum, og søla- og umsiting er eisini í Grimsby, Edinburgh og New Jersey. Samanlagt hevur samtakið 1.644 starvsfólk (ársverk).

www.bakkafrost.com