Politikkur

Loksins er serstøk avtala um løn undir útbúgving undirskrivað

Lógin um heilsuhjálpara-, heilsurøktara- og námsfrøðiliga hjálpara útbúgving varð broytt í vár, soleiðis at tey, sum gera ein útbúgvingarsáttmála við ein arbeiðsgevara um at fara undir eina av nevndu útbúgvingum, kunnu fáa løn undir útbúgving. Lógin ásetur ikki, hvørja løn starvsfólk við útbúgvingarsáttmála skulu hava, við tað at partarnar á arbeiðsmarknaðinum skulu samráðast um lønina.

2025-10-30 19:58 Author image
Jóanis Albert Nielsen
placeholder

Í dag, 30. oktober 2025 er serstøk avtala um løn undir útbúgving loksins avtala millum Kommunala Arbeiðsgevarafelagið, Fíggjarmálaráðið og tey trý fakfeløgini - Heilsuhjálparafelag Føroya, Heilsurøktarafelagið og Føroya Pedagogfelag.

Serstaka avtalan ásetur millum annað, at starvsfólk við útbúgvingarsáttmála verða lønt við 50 % av byrjanarlønini fyri ávikavist útlærdar heilsuhjálparar, heilsurøktarar ella námsfrøðiligar hjálparar. Eisini eru ásetingar um gjøld fyri ólagaliga arbeiðstíð, eftirløn, frítíð og barsil partur av avtaluni.

Avtalan er at finna á heimasíðu felagsins www.kaf.fo

Tórshavn 30. oktober 2025

Kommunala Arbeiðgevarafelagið

Vinarliga broyt tínar kennifíla - og privatlívsstillingar fyri at síggja hetta innihald

placeholder