Kvøldseta um Sandoyartunnilin 

Kvøldseta um Sandoyartunnilin 

Nú styttist til Sandoyartunnilin letur upp. 

Í hesum sambandi skipar Visit Sandoy fyri tiltaki í Virkinum á Sandi hóskvøldið 19.30, har tosað verður um, hvussu hetta fer at ávirka Sandoynna – og hvussu hetta fer at ávirka restina av Føroyum. Øll eru vælkomin!  

Teistin siglir kl. 17.20 av Gomlurætt.   

Skráin:  

Hanna á Reynatúgvu, varaborgarstjóri og forkvinna í samstarvsnevndini fyri Visit Sandoy, bjóðar vælkomin.  

Rógvi Ólavsson, samfelagsfrøðingur, tosar um samfelagsligu støðuna fyri og eftir tunnilin.  

Hákun Steingrímsson, stjóri á MBM, fortelur um fyrimunin at vera í eini útjaðarakommunu, nú MBM fer at virka ost í Skálavík.  

Theresa Turidardóttir Kreutzmann, stjóri á Visit Norðoy, heldur upplegg við heitinum “Ferð á ferðavinnuna”. 

Torbjørn Jacobsen, borgarstjóri í Runavíkar kommunu, hevur upplegg, ið kallast “Runavíkingar til Havnar ella havnarfólk til Runavíkar”.