Kunningarfundur um semjuna við arbeiðarafeløgini

Hósdagin 2. juni kl. 14.00 skipar Føroya Arbeiðsgevarafelag fyri kunningarfundi í Vinnuhúsinum, har greitt verður frá um broytingarnar í sáttmálunum við tey fimm arbeiðarafeløgini. Allir limir felagsins eru vælkomnir, og tað ber eisini til at fylgja við á netinum.

2022-05-30 13:38
Jóanis Nielsen

Á fundinum verður semjan gjøgnumgingin, og eisini verður høvi at seta spurningar. Kunningin er viðkomandi fyri starvsfólk, sum hava við starvsfólkaviðurskifti at gera, so sum starvsfólkaleiðarar, fíggjarleiðarar, lønarumsitarar v.m.

Eisini ber til at luttaka á kunningarfundinum á netinum. Tey, ið ynskja at luttaka á netinum, kunnu senda ein telduspot til [email protected], og fáa síðani eitt leinki sendandi.

Vinarliga broyt tínar kennifíla - og privatlívsstillingar fyri at síggja hetta innihald
Stillingar av farsporum